دانلود آهنگ پیاده و سوار

« پیاده و سُوار»

ای خدا دنیات دیِه فاده نداره
اِز پیاده کِی خَوَر داره سُواره؟
جور بارون اَر بریزِه مِن سَرِت غم
چترِسِه هیشکی نیِه بِت قرضِواره

ای خدا دنیا دیِه نی جای مَندِن
هرکسی که عاشق ایبو بِس ایخَندِن
یه قدم اَر وِستی اِز مردم جِلَو تر
دس به دستِ هم ایدِن پاتِه ایبَندِن

ای خدا دی گـُو گـِری نی مِین دنیا
گُو به گُو رحم نیکُنِه هالو به خُورزا
جور بَلگی که ز شاخه وَستِه ری گِل
نیووریستِه هرکسی که وَستِه اِز پا

بُو سَرِس درد ایکُنه ایسوسِه مِن تَو
کُر کِلِس خُوسید و خُن زِیدِه وُر خَو
نیــنیـــشیـــنِه مِن دلا عشق و محبت
عشقِ ما وابیده چی سوفالِ ری اَو